Bloggið mitt

Blogga hvað er það

Mon, 02 Jun 2008 21:19:27 GMT

Jæja, ég ákvað að henda einu bloggi hérna inn.

Skólinn er búinn og ég á bara eftir að fá eina einkunn. Ég er búin að fá hinar fínustu einkunnir og vona að sú síðasta sé jafngóð ;)

Ég er byrjuð að vinna á Hlévangi og líkar það bara mjög vel.

Þorgeir er farinn að labba og labbar út um allt allan daginn og er farinn að vilja labba úti líka. Hann var nú ekkert voða hrifinn af því fyrst en það er allt að koma. :)

Steinar slasaði sig í síðustu viku þegar að hann var á leiðinni í útkall vegna jarðskjálftans. Hann var að hoppa af sexhjólinu og missteig sig svona illa. Það kom ekkert út úr röntgen en læknirinn vildi senda hann í segulómun sem að hann fór svo í, í dag. Við fáum svo að vita úr því á mið eða fim. Hann er líklega brotinn eða hefur slitið liðbönd, í besta falli mjög illa tognaður. Þannig að núna hangir Steinar bara heim á hækjum. :s

Annars er eitthvað voða lítið í gangi hérna þessa dagana.

Jæja, ætla að fara að horfa á Gray´s :d

Svo fallegt

Mon, 17 Mar 2008 21:25:44 GMT

Mér finnst þetta vídeó æðislegt!!! :d

http://www.youtube.com/watch?v=z3WA9iHz5ww

Annað í fréttum, það fóru nú ekki nema 300g þessa vikuna. Það er svona að lenda óvart á djammi. ;) Það var nú samt þrusugaman. Það var nefnilega partý hérna uppi á velli í Top of the Rock og það var ferlega gaman. Ætlaði nú ekki að drekka en fékk mér svo á endanum. Gengur bara betur næst! :) Stelpurnar frá Meiri-Tungu+ Keli komu til að passa og gistu svo hér líka í gær. Það var svo gaman að fá þær í heimsókn.
Svo ætlar Hulda Sóley systir hans Steinars að kíkja til okkar á morgun og vera fram á fimmtudag. Fullt að gerast hér á bæ.

Jæja, mér er kalt á tánum og ætla að fara að gera eitthvað sniðugt. Kannski brjóta saman þvott og horfa á Bones. 8)

Og þau halda áfram að hverfa!

Wed, 12 Mar 2008 11:50:49 GMT

Jæja, 7 kg farin! Vúhú!!!
Ég verðlaunaði mig í síðustu viku og keypti mér bol, kjól og belti! 8) Algjör skvísa sko! Danski gengur nokkuð vel, asnaðist nú samt til að byrja að borða mjólkurvörur aftur og það er greinilegt að Þorgeir þolir þær sko alls ekki. :| Verst er að sojajógúrtin fást ekkert alls staðar og ég bara hef ekki tíma til að vera að þeysa um bæinn í leit að þeim!

Síðustu helgi fórum við skötuhjúin á árshátíð ÍAV á föstudagskvöldið og skemmtum okkur bara nokkuð vel. Ég var á bílnum, vildi ekki drekka því að ég vildi ekki skemma vikuna mína. ;) Síðan á laugardaginn þá skelltum við okkur út að borða á Kringlukránni og svo í Borgarleikhúsið á Jesus Christ Superstar. Þetta var æðislegt kvöld og sýningin mjög góð. Við fórum með mömmu hans Steinars, Ómari, Huldu Sóley og Danna ásamt Rabba bróður Lindu og hans fjölskyldu og Þór og Hrafnhildi. Við fengum svo að kíkja baksviðs eftir sýninguna og mér fannst það ekkert smá gaman, mig langaði ekkert smá til þess að fara að taka þátt í einhverri leiksýningu! En maður hefur víst svo lítinn tíma til að gera allt sem að mann langar til. :s Á sunnudeginum slöppuðum við bara af, skelltum okkur í göngutúr og tókum aðeins til.

Við þurfum að flytja úr herberginu okkar eftir páska því að það er mygla í því. Þá eru menn frá ÍAV þjónustu að koma og gera við herbergið og er það einhver vikuprógress. Þeir eru núna í blokkinni hérna fyrir framan, sé ruslapoka fljúga út um gluggann af og til. Þetta vandamál er nefnilega í nokkrum íbúðum hérna á svæðinum. Ég hlakka bara til þegar að þetta verður búið.

Næstu helgi á að vera partý hérna á vellinum fyrir íbúanna og ætlum við að skella okkur. Stelpurnar frá Meiri-Tungu ætla að koma og passa fyrir okkur meðan að við kíkjum. :)

Skólinn gengur nokkuð vel. Ég er búin að fara í tvær lífeðlisfræðiæfingar og það var bara nokkuð gaman, fyrst fórum við í vöðvatilraun og í síðustu viku fórum við í hjartarafrit. :) Síðan vorum við í skyndihjálp og það var rosalega gaman. Þar glæddist áhugi minn á að ganga í björgunarsveitina sem að ég er að spá í að gera þegar að ég er búin í prófunum. ;) Sem er 14.maí!!!

Ég er að fara í verklegt nám 1.apríl og bæði hlakka og kvíði fyrir. Þá kemur í ljós hvort að ég er cut out for this, eða svona nokkurn veginn. hahaha

Það hefur átt sér stað fjölgun í fjölskyldunni okkar. Hún Misty kom til okkar í gær. Hún er fimm ára gömul, svört og hvít og lítil og sæt. :haha: Hún er sem sagt kanína, blanda af dverg- og venjulegri kanínu. Þulu finnst hún frekar spennandi og er ekki alveg að fatta hvaða dýr þetta er. ;) En vonandi mun sambúðin bara ganga vel!

Jæja, er ekki best að fara að læra eitthvað. Nýta þessa frídaga í eitthvað skynsamlegt!

Þar til næst,

Irma Rán

Update!

Fri, 22 Feb 2008 12:36:33 GMT

Jæja, verður maður ekki að updeita tölurnar!

4,4 kg farin og vonandi næ ég fyrsta takmarkinu í næstu vigtun. Ætla að gera mitt besta um helgina þótt að við séum að fara upp í sumarbústað. ;)

Ég er búin að skila inn fyrsta háskólaverkefninu mínu og gekk það bara ágætlega. Sat reyndar sveitt yfir heimildaleit en það hafðist á endanum. :d

Ég er því miður búin að missa töluvert úr skólanum því að Þorgeir er búinn að vera veikur. Svo varð ég að vera heima í dag því að börn dagmömmunnar voru komnar með þessa andstyggðar ælupest. :s Ég næ að lesa upp þegar að ég kemst í frí þegar að hópur 1 og 2 eru í verknámi. Ég er ekki fyrr en í hóp 3. Ég mun fara í Víðihlíð í Grindavík og er bara spennt að prófa eitthvað nýtt.

Jæja ætla að pakka niður, það gerist víst ekki af sjálfu sér.

Góða helgi!

Eitt stykki blogg

Fri, 08 Feb 2008 21:34:20 GMT

Jæja, blogg blogg

Í fréttum er þetta helst:

Komst í gegnum klásus og er á fullu í skólanum.

Fórum til Kanarí 2.-16.jan.

Barnið mitt varð 1 árs!

Fullt af fólki átti líka afmæli, til lukku með það.

Jæja, svo er ég líka byrjuð á danska kúrnum, er á þriðju viku og er búin að missa 3 kg! Vúhú! :D Þetta gengur bara nokkuð vel, er svona að venjast því að þurfa að vigta allt ofan í mig.

Ég er að fara á árshátíð hjá Curator, nemendafélagi hjúkkunema, á morgun. Við byrjum á því, bekkurinn sko, að hittast og fara í einhvern leik og svo er fyrirpartý og svo árshátíðin! Hlakka ekkert smá til.

En er að spá í að fara að pakka niður fyrir morgundaginn og horfa svo aðeins á TV, ALEIN. Steinar er nefnilega í útkalli í þessu brjálaða veðri sem að er hérna... :S Væri nú alveg til í að hafa hann hérna til að kúra með fyrir framan sjónvarpið.

Vonandi blogga ég fljótlega aftur.

Adios!

Óvænt heimsókn

Tue, 11 Dec 2007 23:32:08 GMT

Hver haldið þið að hafi bankað upp á áðan???

RÚV!!!

Svo að nú fer maður að borga afnotagjöld....

Dagskráin í dag

Thu, 22 Nov 2007 09:33:15 GMT

Bókasafn

Pósthús

Kaffitár- mmm DaVinci og sálfræði...

Reykjavík

Sækja Þorgeir Aron

Elda

Læra

House

Sturta

Sofa

Zzzzzzz

Já, fínt. Já, sæll.

Thu, 08 Nov 2007 21:34:33 GMT

Ahmmm...

Ég þjáist af nettum cabin fever núna, búin að vera heima ALLA vikuna með veikt barn og svei mér ef barnið er nú ekki komið með þörf fyrir að hitta annað fólk og komast út eins og ég.

Æ, ég var nú kannski ekki alveg innilokuð. Fór á mjög svo athyglisverðan fyrirlestur á þriðjudagskvöldið um mataræði ungabarna. Very interesting. Svo fór ég út í Bónus í gær og niður á heilsugæslu áðan með Þorgeir.

Skólinn, gengur svona lala. Ég held ég nái alveg ef að ég læri, lets rephrase that ef að ég LES. Ég hef enga tilfinningu fyrir því hvernig mér gengur því að við þurfum ekki að gera nein verkefni og skila þeim þannig að maður er svona pínulítið í lausu lofti.

Ég er ótrúlega mikið að spá í hollu mataræði þessa dagana, lífrænu, rétt samansettu og hollu. Ætla einmitt að gera mér sjeik í fyrramálið mmmm... Eina sem að ég þarf að gera er að sannfæra manninn um að þetta er the way to go. Gangi mér vel ;)

Æ, ætla að fara að lesa félagsfræði...

Hana nú!!!

Tue, 28 Aug 2007 11:31:53 GMT

Bloggletin er orðin fastur gestur hér á bæ.

Ég nenni nú ekki að stikla á því sem að við erum búin að gera í sumar, um það er hægt að lesa á www.thorgeiraron.barnaland.is .

Merkilegasta er kannski það að við erum komin í ástandið, hohoho. Við erum sem sagt flutt upp á völl og líkar bara vel. Fengum smá víðáttubrjálæði til að byrja með en það er búið að venjast. Merkilegt samt hvað allt geymslupláss er fljótt að fyllast. Ó mæ, hversu mikið drasl á maður eiginlega. Sjæse.

Skólinn byrjar á morgun 8| Smá stress í gangi, er ekki alveg að gúddera þetta allt. Finnst líka ferlega erfitt að vera að fara frá Þorgeir þótt hann verði hjá pabba sínum. Það er líka stress yfir því að vera ekki komin með DAGMÖMMU!!! Við erum í bölvuðum vandræðum, því að það er ALLT FULLT og við vitum EKKERT hvað við eigum að gera! Fengum næstum pláss en þegar að við sögðum að við þyrftum það í raun ekki fyrr en í nóv þá bara úpps sorry get ekki verið án þessarra peninga í tvo mánuði og ekki höfum við efni á að borga þennan pening. Æ, þetta er ömurlegt ástand.

Ljósanótt næstu helgi, JEIJ.

Æ, nenni þessu ekki. Ætla að gera skrifborðið klárt fyrir lærdóm.

Enn á lífi

Wed, 04 Jul 2007 18:35:10 GMT

Jájá, við erum ennþá á lífi. Hef bara ekki hugmyndu um hvað ég á að blogga. Lífið gengur svo sem sinn vanagang. Strákurinn stækkar og dafnar vel og okku líður bara æðislega.

Ég er búin að hanga inn í allan dag og allan gærdag því að strákurinn er búinn að vera með smá hita, líklega tennurnar að koma.

Ég er orðin voða spennt á að fara að byrja í skólanum en pínu stresusð líka. Bæði það að byrja í háskóla og að fara frá stráknum... Þetta verður allt í lagi erþaggi?

Við erum búin að selja íbúðina, vííí, flytjum í Lyngholtið um mánaðamótin og verðum þar þangað til að við fáum íbúðina upp á velli. Við ætlum að vera þar þangað til að við fáum inni á stúdentagörðunum. Hlakka pínu til þótt að mér hundleiðist að flytja.

Jæja, ætla að brjóta saman þvott.

Pís át

Sumar...

Fri, 01 Jun 2007 23:04:19 GMT

Afhverju í ósköpunum getur maður ekki stjórnað veðrinu? Mikið óskaplega er ég orðin pirruð á þessum sumarskorti eða kannski stríðninni í því. Það koma nokkrir góðir dagar, hefðu samt mátt vera betri, og svo hvað blasir við manni í kortunum... RIGNING!!! Úúú, það sýður næstum á mér. Loksins þegar að manni langar að fara út að labba þá er béskotans rok og rigning. Hins vegar þá er sól fyrir norðan og kemur það ekki nokkrum manni á óvart. Ég er kannski fullfljót í pirringnum þar sem að það er nú bara 1.júní but I can´t help it! :evil: Það hjálpar heldur ekki að ég er komin með kvef og hálsbólgu, er reyndar að minnka en til staðar samt.

Svo skil ég ekki afhverju ég hangi yfir sjónvarpinu en fer ekki að sofa. Var að enda við að horfa á Bachelorinn, ó mæ, ætla þeir aldrei að hætta með þessa seríu. Það hefur einungis eitt samband gengið upp í þessum þáttum.

Annars er lífið ljúft, sund í fyrramálið hressir, bætir og kætir. Við erum svo að spá í að kíkja á Sjóarann síkáta en veðrið er nú ekki að lokka okkur. Planið er svo að fara í útilegu næstu helgi, skírn helgina eftir það, svo líklega austur helgina þar á eftir og svo er það ættarmót jibbí!!! Reyndar erum við í ungbarnasundi til 23.júní og svo erum við laus allar helgar, alla helgina.

Kristjana frænka er komin í heimsókn frá USA og það er alltaf jafngaman að hitta hana. :) Svo var ég að tala við Louise vinkonu á msn um daginn og hún ætlar að skoða þann möguleika á að kíkja á klakann í sumar. Mikið djö... vona ég að hún komi. :D

Ég er búin að fá inn í HÍ, skv. netinu, og er búin að sækja um stúdentaíbúðir upp á Velli og í Rvk. Við erum búin að flísaleggja eldhúsið, loksins, og það er looking gorgeous!!! Allir velkomnir í kaffi að kíkja á fína eldhúsið okkar. Nú er bara planið að setja íbúðina á sölu þegar að við erum búin að fá á hreint hvað íbúðin okkar er stór.

Jæja, ætla að klára að horfa á Kidnapped og/eða fara að sofa.

Adios...

Fréttir

Sun, 13 May 2007 23:41:13 GMT

Ég er búin að sækja um í hjúkruninni. Spennó...

Ekki sátt við úrslit kosninga. Eurovision fór ofan garðs og neðan vegna pítsugerðar, hehe.

Við eigum fellihýsi, júhú, útilegusumar framundan og sólin verður sko hundelt. Ættarmót meira að segja framundan.

Lífið er ljúft, veðrið búið að vera ágætt, vindurinn hefði mátt vera minni og heitari.

Hlakka mega til sumarsins, skulum vona að veðurguðirnir verði góðir og sendi okkur gott sumar. Eigum við það ekki öll skilið?

Farin að sofa.

Bæjó

Þreyta

Sun, 29 Apr 2007 17:01:36 GMT

Ég myndi gera næstum hvað sem er núna fyrir einn DaVinci með vanillu.

Letin í hámarki, heimilið á hvolfi og ætti í rauninn að vera að nýta tímann meðan að barnið sefur og taka til.

Kaffi.... mmmm

Attension please!

Tue, 24 Apr 2007 18:27:12 GMT

Þið komist núna á barnalandssíðuna svona:

http://www.thorgeiraron.barnaland.is

Gjössovel

Hvað segiði um smá blogg

Tue, 24 Apr 2007 18:25:14 GMT

Ekki það að ég hafi eitthvað merkilegt til að blogga um, frekar erfitt að pikka inn því að lyklaborðið er fullt af ryki. Svo um leið og ég byrja þá byrjar strákurinn að gráta út í vagninn, stakk bara snuðinu upp í hann, og svo hringir síminn.

Mikið vildi ég óska að það væri 15-20 stiga hiti úti, sól og logn. Mig langar svo í sumarveður að ég gæti barasta dáið, so to speak. Vildi líka óska að ég kæmist til útlanda.

Ég ætlaði að blogga um eitthvað svaka spennó en er búin að gleyma því, surprise. Alveg eins og ég gleymdi að hringja niður á HSS til að fá afrit að meðgöngu-og fæðingarskýrslunni minni. Brjóstaþokan er hér á háu stigi!!! Og hún batnar ekki þegar að nætursvefninn er af skornum skammti, Þorgeir virðist vera að taka vaxtarkipp og það er vaknað á tveggja tíma fresti, geisp!!!

Annars er helst í fréttum að við erum byrjuð í ungbarnasundi inni í Hafnafirði og það er svakalega gaman. Drengnum finnst svaka stuð að vera í vatni, annað en mamma sín þegar að hún var yngri. Sem betur fer segi ég nú bara. Hann virðist líka ætla að vera með blá augu, háraliturinn er óráðinn endar er hárið allt að detta af honum.

Jæja, kannski maður skelli í sig öðrum bolla af mjólkuraukandi tei úr Jurtaapótekinu(snilldarstaður, einn af mínum uppáhalds þessa dagana) áður en að grislingurinn vaknar og kallinn kemur heim.

Þar til einhvern tímann næst,

Já allar heimsóknir vel þegnar og tek öllum boðum um að koma í heimsóknir. ;)

Irma Rán